СОЛЕНА БАЈАДЕРА

СОСТОЈКИ И ПОДГОТОВКА

– 300гр кори за пита
– 150мл масло
– 50гр гриз
– 10-12 црвени пиперки
– 500гр кравјо сирење
– 5 јајца
– кисела павлака

Тавче со димeнзии 30х20 цм напрскајте го со масло. Ставете една кора, напрскајте масло, поросете гриз (но и не мора за да не останат корите суви) и така наредете ги сите кори. Сами ќе мора да видите колку се суви корите и ако се суви не ставајте гриз или ако се многу суви не ставајте гриз туку прскајте ги и со малку газирана вода.

Кога ќе ги ставите сите кори врз нив ставете печени црвени пиперки (излупени и исчистени од семе), околу 5 до 6 пиперки. Врз пиперките поросете гриз.
Измешајте 500гр. рендано кравјо сирење со 5 белки изматени во пена. Распоредете го врз пиперките. Врз сирењето ставете уште 5 до 6 црвени пиперки и на крај премачкајте со 5 жолчки кои ќе ги изматите со вилушка и ќе им додадете 4 лажици кисела павлака.
Печете во загреана рерна на 200 степени 35 минути.
Кога убаво ќе се излади сечете штангли.

Напомена: Овде треба да се внимава колку се суви корите и колку влага има во пиперките. Ако се влажни треба гриз да ја повлече водата, ако пак се суви корите и пиперките убаво исцедени нема потреба од гриз и убаво би било корите да се прскаат и со газирана вода за да не се делат кога ќе се испече.Моите малку делеа но не беше страшно бидејќи за првпат одев по оригиналниот рецепт.

СПОДЕЛЕТЕ

Share on facebook
Share on google
Share on twitter
Share on linkedin
Share on pinterest
Share on email

СПОДЕЛЕТЕ

Share on facebook
Share on google
Share on twitter
Share on linkedin
Share on pinterest
Share on email